Kushal Lobine : « Ecoutez la voix du peuple sur la réforme de la pension »
Le député Kushal Lobine leader des Nouveaux Démocrates,et partenaire de l’alliance du Changement et du nouveau gouvernement,prend pratiquement la même décision que le député Juman,au travers d’une lettre postée sur sa page Facebook,où il demande « d’écouter la voix du peuple sur la réforme de la pension »
Ci-joint la teneur de cette lettre :
Écoute la voix lepep lor réforme pension
Mo finn choisir pou leve mo la voix en tant ki deputer, representant lepep dans parlement et Leader Nouveaux Démocrates — parski mo finn écoute mo bann mandants, ek osi bann sitoyens dan différents circonscriptions à travers le pays.
Enn mesaz resonné partou et bien fort : soutien pou bann pensionaires bizin reflekte la réalite la vie dimounn — pa zis enn desizion lor papier. Ena inn travay depi zenn, dan bann conditions bien difficiles. Ena madames ki finn sakrifier zot lavi pou élever zot zanfan ek soutenir zot lakaz. Zot tou mérite nou respe. Zot mérite zot pension à 60 an.
Nou pe propose enn vrai réforme système pension, basé lor enn “dual track pension age” — ki pli juste, pli responsable ek pli humain.
Femmes au foyer, travailleurs manuels, ek bann ki finn koumans travay bien zenn — pension gardé à 60 an
Bann ki pe gagn enn revenu confortable ek régulier — pa bizin pension complet à 60 an, zot kapav gagn enn pension reduit.
Nou bizin aussi pran en considération bann ki swazir kontinier travay ziska 65 an
Li pa fer sans ki enn dimounn ki pe gagn enn gro saler chaque mwa, ki ankor bien actif, vinn pran pension de l’État à 60 an — alors ki ena lezot ki pe viv dan vraie difficulté.
“One size fits all” pa fonctionner dan enn société kot inégalités exister.
Pension bizin al kot li kapav fer enn impact réel. Ciblage, se pa exclusion! c’est responsabilité!
Dan boukou pays pas servi enn sel modèle unique ki applik a tou dimounes. Ena bann systèmes ki adapter dapré l’âge, revenu, ou condition travail.
Nou bizin enn réforme ki :
Protez bann pli vulnérab
Donn bann madames zot liberté financière
Soulaz bann familles
Rebalance l’économie dan enn façon soutenable
Aborde la question de la pension parlementaire — mo lopinion, okenn parlementaire pa bizin touche pension avant l’âge de 60 an. Pension, se pa enn privilège, li enn soutien pou bann ki vraiment bizin li.
Se pou sa rezon-la, nou propose lance enn débat national lor pension ek enn système échelonné dapré revenu.
Nou pa kapav permet ki mem soutien al kot enn dimounn ki pa gagn naryen ek kot enn ki ena plusieurs sources de revenu.
La démocratie, c’est la voix du peuple.
Nouvo Moris bizin enn nouvo modèle de pension — pli juste, pli humain, pli durable. »
